Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşi tarapyndan Aşgabat şäheriniň maliýe-ykdysadyýet orta hünär okuw mekdebinde, şol orta hünär okuw mekdebinde bilim alýan talyp ýaşlaryň hem-de mugallymlaryň gatnaşmaklarynda wagyz-nesihat duşuşygy geçirildi. Duşuşykda Türkmenistanyň Halk maslahatynyň ähmiýeti, oňa görülýän taýýarlyk barada, ýol hereketiniň düzgünleri, şeýle hem sanly ykdysadyýeti ösdürmegiň Konsepsiýasyna laýyklykda, döwlet Baştutanymyzyň köpçülikleýin habar beriş serişdeleriniň neşirlerini elektron görnüşe geçirmek boýunça tabşyryklaryny düşündirmek bilen bagly birnäçe çykyşlara orun berildi. Çykyşlaryň her birinde halkymyzyň bagtyýar, asuda durmuşda ýaşamagy üçin ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, alyp barýan işleriniň rowaç bolmagy arzuw edildi.
Oguljahan TÖRÄÝEWA,
TMÝG-niň Aşgabat şäheriniň Köpetdag etrap
Geňeşiniň Guramaçylyk bölüminiň müdiri.
