Türkmenistanyň Magtymguly adyndaky Ýaşlar guramasynyň Ahal welaýat we Gökdepe etrap Geňeşleriniň hem-de beýleki jemgyýetçilik guramalarynyň, Gökdepe etrap polisiýa bölüminiň polisiýanyň ýol gözegçiligi bölümçesiniň bilelikde guramagynda Gökdepe etrabynyň Yzgant şäherçesiniň Berdimuhamet Annaýew adyndaky ýöriteleşdirilen 27-nji orta mekdepde «Ýol hereketiniň howpsuzlygy – ömrümiziň rahatlygy» atly biraýlygyň çäginde «Ýolumyz asuda – ilimiz abadan» ady bilen wagyz-nesihat duşuşygy geçirildi.
Mekdep okuwçylarynyň arasynda geçirilen duşuşykda çykyşlara giň orun berildi. Çykyş edenler hormatly Prezidentimiziň başlangyjy boýunça ýurdumyzda yglan edilen «Ýol hereketiniň howpsuzlygy — ömrümiziň rahatlygy» atly biraýlygyň çäginde alnyp barylýan çäreler we olaryň ähmiýeti dogrusynda giňişleýin gürrüň etdiler, okuwçy ýaşlara köçe-ýol hereketiniň kadalaryny, ýoldan geçmegiň düzgünlerini giňişleýin düşündirdiler.
Duşuşyga gatnaşanlar halkymyzy bagtyýar durmuşa ýetiren hormatly Prezidentimiziň we Gahryman Arkadagymyzyň adyna alkyş sözlerini aýtdylar.
Röwşen MAKSATMYRADOW,
TMÝG-niň Ahal welaýat Geňeşiniň
guramaçylyk bölüminiň sanly ulgam
boýunça esasy hünärmeni.
