Ýaňy-ýakynda şeýle mazmunly şygar bilen, Türkmenistanyň Tebigaty goramak jemgyýetiniň Daşoguz welaýat bölümi, «Bagtyýar nesil» çagalar sagaldyş we dynç alyş merkezinde dynç alýan çagalaryň arasynda surat çekmek boýunça döredijilik bäsleşigini geçirdi. Ýaş nesilleriň ekologiýa medeniýetini kämilleşdirmek, olaryň gözel tebigatymyza, ösümlik we haýwanat dünýäsine, tebigy baýlyklarymyza aýawly çemeleşmeklerini gazanmak, şekillendiriş sungatynyň üsti bilen ata Watanymyza, ajaýyp tebigatymyza söýgüni terbiýelemek, ýiti zehinli, ylymly-bilimli, watansöýüji ýaşlary kemala getirmek maksady bilen geçirilen bäsleşik oňa gatnaşmaga höwes bildirenleriň sanynyň köplügi bilen tapawutlandy. Onda bäsleşijiler bellenen wagtyň dowamynda ekologiýa we daşky gurşawy goramak bilen baglanyşykly suratlary çekmek boýunça öz ukyp-başarnyklaryny görkezdiler. Döredijilik bäsleşiginiň ýeňijilerine Hormat hatlary we ýadygärlik sowgatlar gowşuryldy.
Laçinbek ALLABERGENOW,
Türkmenistanyň Tebigaty goramak jemgyýetiniň
Daşoguz welaýat bölüminiň başlygy,
TMÝG-niň işjeň agzasy.
