Paýtagtymyzdaky Jemgyýetçilik guramalarynyň merkezinde Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de Aşgabat şäher häkimliginiň bilelikde gurnamagynda Gurluşyk we senagat toplumynyň işgärleriniň güni mynasybetli bu ulgamlarda zähmet çekýän ýaşlaryň gatnaşmaklarynda «Watana wepam bar, kärime sarpam» atly maslahat duşuşygy hem-de öňdebaryjy ýaşlary sylaglamak dabarasy geçirildi.
Dabarada çykyş edenler Gahryman Arkadagymyzyň başlangyjy we hormatly Prezidentimiz Arkadagly Gahryman Serdarymyzyň taýsyz tagallalary esasynda berkarar döwletimizde milli senagaty ösdürmek, gurluşyk we senagat toplumynyň pudaklaryna maýa goýumlaryny gönükdirmek esasynda täze döwrebap önümçilik kärhanalaryny gurmak hem-de ozal hereket edýän kärhanalary döwrebaplaşdyrmak, daşary ýurtlardan getirilýän harytlaryň ornuny tutýan önümçilik kuwwatlyklaryny döretmek we eksport mümkinçiliklerini ýokarlandyrmak, önümçilige sanly ykdysadyýeti ornaşdyrmak, sanly innowasion tehnologiýaly önümleriň önümçiligini ýola goýmak wezipeleriň üstünlikli amala aşyrylýandygy we ýurdumyzyň ýetýän belent sepgitlerinde gurluşyk, senagat, energetika, himiýa we ýolgurluşyk pudaklaryna uly orun eýeleýändigini uly buýsanç bilen belläp geçdiler we şeýle gazanylan beýik işleriň sakasynda duran we her bir ynsanyň abadan hem-de parahat durmuşda ýaşamagy ugrunda dünýä nusgalyk işleri amala aşyrýan Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň janlarynyň sag, röwşen ömürleriniň uzak, mertebeli başlarynyň belent, durnukly ösüşiň maksatlaryna ýetmegiň ýolunda alyp barýan dünýä nusgalyk işleriniň, tutumly maksatlarynyň uly üstünliklere beslenmegini arzuw etdiler. Dabaranyň ahyrynda Magtymguly adyndaky Ýaşlar guramasynyň Merkezi Geňeşi tarapyndan Gurluşyk we senagat toplumynyň öňdebaryjy işgärlerine ýadygärlik sowgatlary dabaraly ýagdaýda gowşuryldy. Dabarada ýaňlanan aýdym-sazly çykyşlar oňa gatnaşyjylarda ýakymly duýgylary döretdi.
Gurbanmyrat MUHAMMEDOW,
TMÝG-niň Merkezi Geňeşiniň
Guramaçylyk bölüminiň müdiri.
