Türkmenistanyň Bilim ministrliginiň we Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde Halkara Bitaraplyk güni mynasybetli ýurdumyzyň umumybilim berýän orta mekdepleriniň 3-5-nji synplarynda okaýan okuwçy oglanlaryň arasynda «Merdana nesil – 2024» atly şadyýan bäsleşiginiň Magtymguly etrap tapgyry Magtymguly etrabynyň 19-njy orta mekdebinde geçirildi.
Bäsleşigiň şertlerine laýyklykda oglanlar özara bäsleşdiler. Eminleriň adalatly baha bermegi netijesinde etrabyň 13-nji orta mekdebiniň 5-nji synp okuwçysy Tagangulyýew Pälwan 1-nji orna, 15-nji orta mekdebiniň 4-nji synp okuwçysy Mämmetdurdyýew Begli bolsa 2-nji orna mynasyp bolup, bäsleşigiň welaýat tapgyryna gatnaşmaga hukuk gazandylar. Ýeňiji bolanlara Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeşi tarapyndan Hormat hatlary we ýadygärlik sowgatlary dabaraly ýagdaýda gowşuryldy.
Bäsleşige gatnaşanlar döredip berilýän ajaýyp mümkinçilikler üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Bägül BOÝALYÝEWA,
TMÝG-niň Balkan welaýatynyň Magtymguly etrap Geňeşiniň
Guramaçylyk bölüminiň sanly ulgam boýunça esasy hünärmeni.
