Golaýda Türkmenistanyň Magtymguly adyndaky Ýaşlar guramasynyň döredilen güni mynasybetli, welaýatyň Boldumsaz etrabynyň edara-kärhanalarynda zähmet çekýän Ýaşlar guramasynyň işjeň agzalarynyň, Ilkinji Ýaşlar guramalarynyň başlyklarynyň gatnaşmagynda, etrabyň Gubadag şäher medeniýet merkezinde «Ýaşlygyň joşguny» atly şygar astynda, aýdym-sazly baýramçylyk çäresi geçirildi. Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşiniň guramagynda geçirilen dabaradaky çykyşlarda hormatly Prezidentimiziň ýaşlar baradaky tükeniksiz aladalarynyň döwrebap nesli kemala getirmekde giň mümkinçilikleri berýändigi, ýurduň geljegi ynanylýan ýaşlaryň kämilligi ugrundaky durmuşa geçirilýän wezipeler, ýaşlaryň arasynda alnyp barylýan işler we olaryň netijeleri hakynda buýsançly bellenip geçildi. Şeýle-de, zehinli ýaşlary ýüze çykarmak babatda amal edilýän işler babatda nygtaldy. Ajaýyp baýramçylyk sahnasynda etrabyň Gubadag şäher medeniýet merkeziniň höwesjeň aýdymçylary, tans toparlary joşgunly çykyşlary ýerine ýetirdiler.
Bagtyýar zamanamyzyň eçilen eşretlerinden peýdalanyp, durmuşlaryny ajaýyplyklara besleýän ýaşlar, özboluşly hem sazlaşykly guralan dabara gatnaşanlar özleri hakynda irginsiz aladalary edýän türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza çäksiz alkyşlaryny beýan etdiler.
Nurjemal SAPAROWA,
TMÝG-niň Daşoguz welaýatynyň
Boldumsaz etrap Geňeşiniň uly buhgalteri.
