Ýaňy-ýakynda Türkmenistanyň Magtymguly adyndaky Ýaşlar guramasynyň Esenguly etrap Geňeşiniň Türkmenistanyň Kärdeşler Arkalaşygynyň Esenguly etrap birleşmesi, şeýle hem etrap bedenterbiýe we sport bölümi bilen bilelikde guramagynda etrabyň edara-kärhanalarynda zähmet çekýän ýaşlaryň arasynda sagdyn durmuş ýörelgelerini wagyz etmek, ruhy we fiziki taýdan sagdyn nesilleri kemala getirmek, olary köpçülikleýin sporta çekmek maksady bilen, «Sagdyn durmuş-sagdyn ýörelge» atly şygar bilen sportuň stoldaky tennis görnüşi boýunça bäsleşik geçirildi.
Sportuň bu görnüşine höwesli ýaşlaryň barha köpelýändigini görkezen bu ýaryş örän çekeleşikli geçdi. Ýeňiji bolan ýaşlara Türkmenistanyň Kärdeşler Arkalaşygynyň Esenguly etrap birleşmesi, şeýle-de Türkmenistanyň Magtymguly adyndaky Ýaşlar guramasynyň Esenguly etrap Geňeşi tarapyndan Hormat hatlary we ýadygärlik sowgatlary gowşuryldy.
Alfiýa ŞEMMIÝEWA,
TMÝG-niň Esenguly etrap Geňeşiniň
sanly ulgam boýunça esasy hünärmeni.
