Ýakynda Türkmenistanyň Magtymguly adyndaky Ýaşlar guramasynyň Bagtyýarlyk etrap Geňeşiniň Aşgabat şäheriniň 139-njy orta mekdebi bilen bilelikde guramagynda mekdep okuwçylarynyň gatnaşmagynda döredijilik duşuşygy geçirildi.
Gyzykly geçen çäräniň dowamynda Türkmenistanyň hemişelik Bitaraplygy, parahatçylyk we ynanyşmak, hormatly Prezidentimiziň parasatly baştutanlygynda ýurdumyzyň ýetýän belent sepgitleri barada goşgular okaldy. Mundan başga-da, duşuşygyň çäklerinde okuwçylaryň ýerine ýetirmeklerinde ata Watanymyzy wasp edýän aýdym-sazlar diňlenildi. Duşuşyga gatnaşan işjeň okuwçylara Türkmenistanyň Magtymguly adyndaky Ýaşlar guramasynyň Bagtyýarlyk etrap Geňeşi tarapyndan sowgatlar gowşuryldy.
Çäräniň ahyrynda eziz Diýarymyzyň gülläp ösmegi ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.
Ogulsapar BABYLOWA,
TMÝG-niň Bagtyýarlyk etrap Geňeşiniň
guramaçylyk bölüminiň esasy hünärmeni.
