Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeşi etrabyň Medeniýet merkezi bilen bilelikde hemişelik Bitaraplygymyzyň 29 ýyllygy mynasybetli ýokary synp mekdep okuwçylarynyň gatnaşmaklarynda «Bitaraplyk – beýik ykbal» atly aýdym-sazly baýramçylyk çäresini geçirdi.
Bu aýdym-sazly çärede Medeniýet öýüniň aýdymçylary türkmeniň akyldar şahyry Magtymguly Pyragynyň watançylyk, edep-ekram baradaky goşgularyny aýdymlaryň üsti bilen ýaşlarymyza ýetirdiler. Mundan başga-da, dabarada etrabyň medeniýet we sungat işgärleri özleriniň folklor çykyşlary, Watanymyzy wasp edýän aýdymlary bilen çykyş edip çärä gatnaşanlara şowhun paýladylar.
Dabaranyň ahyrynda medeniýetimiziň, sungatymyzyň hak howandary Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.
Mämmet MÄMMEDOW,
TMÝG-niň Magtymguly
etrap Geňeşiniň başlygy.
