Golaýda Balkan welaýatynyň Bereket etrabynyň 15-nji orta mekdebinde Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşiniň etrap bilim bölümi bilen bilelikde guramagynda mekdep okuwçylarynyň arasynda baýramçylyk günlerinde tertip düzgüni berjaý etmeklerini, köpçülik ýerlerinde özlerini dogry alyp barmaklaryny, ýol hereketiniň kadalaryny, sagdyn durmuşdyr milli ahlak ýörelgelerine eýermeklerini gazanmak maksady bilen, wagyz – nesihat duşuşygy geçirildi.
Duşuşykda çykyş edenler ýaş nesilleriň arasynda sagdyn durmuş ýörelgelerini kemala getirmek, milli ahlak ýörelgelerini ýaýbaňlandyrmak, zyýanly endikleriň adam saglygyna ýetirýän täsiri dogrusynda giňişleýin durup geçdiler.
Duşuşygyň ahyrynda oňa gatnaşanlar ýaşlar hakynda uly aladalar edýän Gahryman Arkadagymyza hem-de Arkadagly Gahryman Serdarymyza hoşallyk sözlerini beýan etdiler.
Gyzlargül GURBANALYÝEWA,
TMÝG-niň Balkan welaýatynyň
Bereket etrap Geňeşiniň uly buhgalteri.
