Şu ýerde ýüregime jüňk bolan rowaýatlaryň ýene birini gürrüň bereýin. Bir ýolagçy gadymy Wasdan gidip barýarmyşyn. Birden onuň öňünden bir çarwa obasy çykýar. Ony ilki garşy alan hem eli ok-ýaýly aglap oturan oglanjyk diýýär. Onuň bary-ýogy alty-ýedi ýaşy barmyş.
– Näme üçin aglaýarsyň? – diýip ýolagçy oňa çalgyrt gepläp habar gatýar. Oglan esli aralykdaky gara töňňäni görkezip:
– Nyşanany urup bilmedim – diýýär.
Nätanyş onuň başyny sypalap:
Zeleli ýok, indi täzeden çene-de synanyşyp göräý, nyşanadan urarsyň! – diýýär.
Ýaňky nätanyşyň aýdyşy ýaly, oglan nyşanadan urýar. Ýöne şonda-da aglaýar.
– Ýeri indi näme boldy? Sen nyşanadan dogry urduň ahyryn – diýip, ýolagçy oňa geňirgenip seredýär.
– Ikinji gezekde uranymda näme? Iliň üstüne ýaman niýet bilen gelen adam men haçan dogry uraryn diýip garaşyp oturmaz ahyry – diýip,oňa geňirgenip seredýär.
–Birinji gezekde urup bilmändigime namys edýärin – diýipdir.
Şonda ýolagçy özüni lampa aşak goýberipdir-de:
– Beýle adamlaryň arasyndan göni geçip gidip bolmaz – diýip, şol obada birnäçe günläp myhman bolupdyr.
