Golaýda Balkan welaýatynyň «Türkmennebit» döwlet konserniniň Balkanabat nebitçilik orta hünär okuw mekdebiniň mejlisler jaýynda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň welaýat hukuk goraýjy edaralarynyň bilelikde guramagynda päk ahlakly, maksada okgunly ýaşlar bolup ýetişmeklerini gazanmagy düşündirmek maksady bilen, wagyz-nesihat duşuşygy geçirildi.
Duşuşykda çykyş edenler hormatly Prezidentimiziň baştutanlygynda ýurdumyzda ýaşlar syýasatynyň üstünlikli durmuşa geçirilýändigi, ýaşlarymyzyň ýaramaz endiklerden daşda durmaklygy, sagdyn durmuş ýörelgelerini berjaý etmeklerini, boş wagtlaryny sport bilen meşgullanmagy, jemgyýetçilik ýerlerinde tertip düzgüni berk berjaý etmekleri, ene-ata, Watana, il-halka, gaýratly, maksada okgunly, ýaşlar bolup ýetişmekleri ugrunda giňişleýin gürrüň berdiler.
Duşuşygyň ahyrynda oňa gatnaşanlar ýaşlar hakynda uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Sähragül IŞANOWA,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
umumy bölüminiň esasy hünärmeni.
