Şu gün paýtagtymyzdaky Jemgyýetçilik guramalarynyň merkezinde Türkmenistanyň Magtymguly adyndaky Ýaşlar guramasynyň Aşgabat şäher, etrap Geňeşleriniň hem-de Türkmenistanyň harby we hukuk goraýjy edaralarynyň bilelikde guramagynda Watan goragçylarynyň güni mynasybetli «Watan goragy – mukaddes borç» atly aýdym-sazly baýramçylyk duşuşygy geçirildi.
Duşuşygyň barşynda harby we hukuk goraýjy edaralardan düzülen aýdymçylaryň ýerine ýetirmeginde Watan goragyny, gözel paýtagtymyzy, asuda asmanyň astynda erkana, parahat durmuşy, hormatly Prezidentimiziň alyp barýan parahatçylyk söýüjilikli syýasatyny wasp edýän aýdym-sazlar belentden ýaňlandy. Çäräniň dowamynda ýurdumyzyň ýaş harby we hukuk goraýjy edaralarynyň öňdebaryjy agzalaryna Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň adyndan ýadygärlik sowgatlary gowşuryldy.
Çäräniň ahyrynda oňa gatnaşanlar Diýarymyzyň gülläp ösmegi ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Enejan DOLAÝEWA,
Türkmenistanyň Magtymguly adyndaky
Ýaşlar guramasynyň Aşgabat şäher Geňeşiniň
Guramaçylyk bölüminiň esasy hünärmeni.
