Teşneligňi gandyrýandyr, göýä Zemzem çeşme bolup,
Bütin halka şaserpaýdyr, Arkadagyň eserleri.
Pederleriň ruhy siňmiş, bir ajaýyp keşde bolup,
Oguz handan habar berýär — Arkadagyň eserleri.
Asyrlara möhür goýmuş, taryhymyz gatbar-gatbar,
Beýik ýüpek ýoly bilen, kerwen geçer hatar-hatar,
Mukaddes hem keremlidir, her bir kitap, her bir setir,
Çuň zehinden kemal tapan — Arkadagyň eserleri.
Gadymyýete nazar salsaň, gursak geren ärler bardyr,
Soltan Sanjar, Jelaleddin, Mälik şa hem Baýram handyr,
Magtymgulyň dürleri deý, soňlanmajak paýhas kändir,
Nesillere ýörelgedir — Arkadagyň eserleri.
Daýanç TAGYŞOW,
Türkmen döwlet bedenterbiýe
we sport institutynyň talyby.
