Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň, welaýat häkimliginiň hem-de welaýatyň bedenterbiýe we sport baradaky Baş müdirliginiň bilelikde guramagynda Änew şäherindäki sport mekdebinde köp çagaly maşgalalaryň arasynda «Sagdyn maşgala — sagdyn nesil» atly maşgala sport bäsleşigi geçirildi.
Halkara zenanlar gününe bagyşlanan maşgala sport bäsleşiginiň esasy maksady hormatly Prezidentimiziň ýurdumyzda sport-sagaldyş hereketini, köpçülikleýin bedenterbiýäni ösdürmekden, türkmen maşgalasynyň beden taýdan sagdynlygyny we bitewiligini gazanmakdan, jemgyýetimizde sagdyn durmuş ýörelgelerini berkarar etmekden ybarat boldy. Täsirli we gyzykly geçen maşgala sport bäsleşiginiň netijesinde Gökdepe, Ak bugdaý, Kaka etraplaryndan gelen maşgalalar baýrakly orunlara mynasyp boldular. Bäsleşigiň ýeňijilerine ýörite sowgatlary dabaraly ýagdaýda gowşuryldy.
Nurgeldi ÖWEZMYRADOW,
Türkmenistanyň Magtymguly adyndaky
Ýaşlar guramasynyň Ahal welaýat
Geňeşiniň buhgalteri.
