Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Boldumsaz etrap Geňeşi etrabyň Gubadag şäherinde ýerleşen “Türkmen çarwa” hususy kärhanasynda “Telekeçilik – halal kesp” atly şygar astynda wagyz-nesihat çäresini geçirdi. Onda çykyş edenler Berkarar döwletiň täze eýýamynyň Galkynyşy döwründe ýurdumyzda ähli ulgamlar bilen bir hatarda telekeçilik ulgamynyň hem gülläp ösýändigini, Türkmenistanyň Senagatçylar we telekeçiler birleşmesiniň döredilmegi bilen, birleşmäniň ýurdumyzda ykdysadyýetiň döwlete degişli bolmadyk böleginde içerki we daşarky bazarlarda mynasyp derejede bäsdeşlige ukyply milli haryt öndürijileriň täze neslini ýetişdirmäge güýçli itergi berýändigini buýsanç bilen bellediler. Şeýle-de, ýurdumyzda bazar bolçulygyny kemala getirmek işlerinde hem özleriniň saldamly goşantlaryny goşýandyklaryny, telekiçilik işini alyp barýan taraplara döwlet goldawynyň berilýändigi dogrusynda buýsançly gürrüňlerini beýan etdiler.
Wagyz-nesihat çäresine gatnaşyjylar ata Watanymyzda telekeçiligi ösdürmeklige giň ýol açyp beren türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza alkyş sözlerini beýan etdiler.
Çary SAPAROW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Boldumsaz etrap Geňeşiniň Gubadag
şäher bölümçesiniň esasy hünärmeni.
