Şu gün Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň guramagynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilen gününiň 4 ýyllygy mynasybetli geçirilen çäreleriň ähmiýetini wagyz etmek maksady bilen «Haýyr-sahawatly işler çagalaryň bagtyýarlygyna gönükdirilýär» atly «tegelek stoluň» başyndaky söhbetdeşlik geçirildi.
Arkadag şäheriniň Jemgyýetçilik guramalarynyň binasynda geçirilen bu çärede ýurdumyzda türkmençilik ýol-ýörelgeleri, ynsanperwerlik häsiýetleri esasynda durmuşa geçirilýän işler, ruhubelent we sagdyn çagalygy goramak, olara bagtyýar geljegi üpjün etmek babatda amala aşyrylýan nusgalyk işler dogrusynda täsirli gürrüňler edildi.
Her bir çaganyň bagtly geljegini gurup berýän Gahryman Arkadagymyza, Arkadagly Gahryman Serdarymyza tüýs ýürekden çykýan alkyş sözleri aýdyldy.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
