Ýakynda ýaşlaryň arasynda terbiýeçilik işlerini güýçlendirmek, olaryň ýüze çykýan nogsanlyklardan daşda durmaklaryny gazanmak, hukuk düşünjeliligini ýokarlandyrmak maksady bilen, Aşgabat şäheriniň Bagtyýarlyk etrap prokuraturasynyň, Aşgabat şäheriniň Bagtyýarlyk etrap polisiýa müdirliginiň, Türkmenistanyň Magtymguly adyndaky Ýaşlar guramasynyň Bagtyýarlyk etrap Geňeşi bilen bilelikde guramagynda Aşgabat şäheriniň 137-nji orta mekdebinde okuwçylaryň arasynda «Parahat durmuşyň bagtyýar ýaşlary» ady bilen wagyz-nesihat duşuşygy geçirildi.
Çärede çykyş edenler sagdyn durmuş ýörelgeleri, zyýanly endikleriň adam saglygyna ýetirýän ýaramaz täsiri, ýol hereketiniň kadalaryny berjaý etmek dogrusynda giňişleýin düşündirdiler.
Wagyz-nesihat duşuşygynyň ahyrynda oňa gatnaşanlar ýaşlaryň sagdyn durmuş ýörelgelere eýermegi, döwrebap bilim almagy üçin ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.
Akpamyk ORAZMYRADOWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Bagtyýarlyk etrap Geňeşiniň Guramaçylyk
bölüminiň esasy hünärmeni.
