Golaýda Türkmenistanyň Magtymguly adyndaky Ýaşlar guramasynyň Esenguly etrap Geňeşiniň etrap bedenterbiýe we sport bölümi bilen bilelikde guramagynda Halkara parahatçylyk we ynanyşmak ýylyna bagyşlanyp etrabyň edara-kärhanalarynda zähmet çekýän ýaş türgenleriň arasynda «Sport sagdynlygyň we ruhubelentligiň gözbaşy» ady bilen sportuň dürli görnüşleri boýunça bäsleşik geçirildi.
Bäsleşikler ýaş türgenleriň ukyplaryny, sporta bolan höweslerini doly açyp görkezmäge uly mümkinçilik döretdi. Bäsleşigiň jemleri boýunça 1-nji orna medeniýet bölüminiň ýaş türgenleri, 2-nji orna bilim ulgamynda zähmet çekýän ýaş türgenler mynasyp boldular.
Ýeňiji bolan türgenlere Türkmenistanyň Magtymguly adyndaky Ýaşlar guramasynyň Esenguly etrap Geňeşi tarapyndan Hormat hatlary we ýadygärlik sowgatlar gowşuryldy.
Bagtyýar MATDYÝEW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Esenguly etrap Geňeşiniň uly buhgalteri.
