Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Kaka etrap Geňeşiniň guramagynda etrabyň 9-njy orta mekdebinde 2024-2025-nji okuw ýylynyň mekdep uçurymlarynyň arasynda wagyz-nesihat duşuşygy geçirildi.
Ýaşlaryň sagdyn durmuş kadalaryna eýermegini, bidüzgünçiliklerden daşda bolmagyny, şeýle-de “Soňky jaň” dabaralaryny guramaçylykly geçirmegi gazanmak maksady bilen geçirilen duşuşykda jemgyýetçilik guramalarynyň wekilleri we dili senaly ýaşulular, mährem eneler çykyş etdiler. Olar çykyşlarynda ýaşlara watansöýüjilik, halallyk, ruhubelentlik, arassa ahlaklylyk, zähmetsöýerlik bilen bagly gymmatly öwütlerini aýtdylar.
Duşuşyga gatnaşanlar ýaşlaryň bagtyýarlygy ugrunda buýsanja mynasyp işleri durmuşa geçirýän hormatly Prezidentimiziň we Gahryman Arkadagymyzyň adyna alkyş sözlerini aýtdylar.
Begli MÄMMEDOW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Kaka etrap Geňeşiniň baş hünärmeni.
