Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşi, Türkmenistanyň Demokratik partiýasynyň Lebap welaýatynyň Çärjew etrap komiteti, Türkmenistanyň Kärdeşler arkalaşygynyň Lebap welaýatynyň Çärjew etrap birleşmesi, Çärjew etrap häkimligi hem-de Lebap welaýat polisiýa müdirliginiň Çärjew etrap polisiýa bölümi şeýle-de Çärjew etrap Bilim bölümi bilen bilelikde guramagynda Çärjew etrap Çagalar sungat mekdebiniň hem-de Çärjew etrap Farap şäher Çagalar sungat mekdebiniň okuwçylarynyň gatnaşmagynda Çärjew etrap häkimliginiň maslahatlar zalynda Halkara parahatçylyk we ynanyşmak ýyly mynasybetli «Parahatlyk aýdymy – asudalyk mukamy» atly aýdym-sazly baýramçylyk çäresi geçirildi.
Baýramçylyk çäresinde welaýatyň Çärjew etrap Çagalar sungat mekdebiniň ýerine ýetirmeginde ýaňlanan şirin owazly aýdym-sazlar hem-de ata Watanymyzyň ösüşleriniň waspyny ýetirýän ajaýyp mukamlar dabara gatnaşyjylarda ýakymly täsir galdyrdy.
Çäräniň ahyrynda ýaşlara okamaga, öwrenmäge, döretmäge döredilip berilýän giň mümkinçilikler üçin türkmen halkynyň Milli Lideri Gahryman Arkadagymyza hormatly Prezidentimiz Arkadagly Gahryman Serdarymyza öz ýürek buýsançlaryny hem-de alkyş sözlerini aýdym-sazlaryň üsti bilen beýan etdiler.
Abadan DÖWLETGELDIÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň esasy hünärmeni.
