Ýakynda Gökdere jülgesinde ýerleşýän «Çeşme» çagalar dynç alyş we sagaldyş merkezinde dynç alýan çagalaryň arasynda «Sport sagdynlygyň, ruhubelentligiň we üstünligiň girewi» ady bilen sportuň dürli görnüşi boýunça bäsleşik geçirildi. Çagalar sportuň dürli görnüşleri boýunça öz ukyp başarnyklaryny görkezip, wagtlaryny gyzykly geçirdiler. Bäsleşigiň ahyrynda oňa gatnaşan çagalara Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşi tarapyndan ýadygärlik sowgatlar gowşuryldy.
Sport bäsleşigine gatnaşan çagalar döredilip berilýän ähli mümkinçilikler üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Nurmuhammet DÖWLETOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Köpetdag etrap Geňeşiniň başlygy.
