Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Bäherden etrap Geňeşiniň hem-de etrabyň bedenterbiýe we sport bölüminiň bilelikde guramagynda etrabyň sport mekdebinde sportuň stol üstündäki tennis görnüşi boýunça ýaryş geçirildi. «Sport—saglygy gözelleşdirýän gymmatlyk» atly ýaryşa sport mekdebinde tälim alýan türgenlerden düzülen toparlar gatnaşdy.
Ýaryş Halkara parahatçylyk we ynanyşmak ýylyna bagyşlandy. Oňa gatnaşan tennisçiler ýeňiş gazanmak ugrunda özaralarynda çekeleşikli duşuşyklary alyp bardylar. Şol duşuşyklar güýçli tennisçileri ýüze çykardy. Ýaryşyň ýeňijileri toparlaýyn kesgitlenip, ýeňiş gazanan toparlara hormat hatlary hem-de ýadygärlik sowgatlar gowşuryldy.
Söhbet HOJAMUHAMMEDOW,
Türkmenistanyň Magtymguly adyndaky Ýaşlar
guramasynyň Ahal welaýatynyň Bäherden etrap
Geňeşiniň Guramaçylyk bölüminiň müdiri.
