Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Sarahs etrap Geňeşiniň, etrabyň beýleki jemgyýetçilik guramalarynyň hem-de etrap häkimliginiň bilelikde guramagynda etrabyň 27-nji orta mekdebiniň mejlisler zalynda «Awaza forumy — netijeli hyzmatdaşlygyň kepili» atly maslahat geçirildi.
«Halkara parahatçylyk we ynanyşmak» ýylynyň 4–8-nji awgustynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň taryhy ähmiýeti, Watanymyzyň hemişelik Bitaraplygynyň 30 ýyllygy hem-de BMG-niň esaslandyrylmagynyň 80 ýyllygy mynasybetli geçirilen bu maslahata etrabyň edara-kärhanalarynda we jemgyýetçilik guramalarynda zähmet çekýän ýaşlar gatnaşdylar.
Maslahatda çykyş edenler Awaza forumynyň Türkmenistanyň BMG bilen parahatçylygy we howpsuzlygy üpjün etmegi, durnukly ösüş maksatlary babatynda yzygiderli hyzmatdaşlygyň berkemeginiň aýdyň kepili boljakdygyny bellediler. Maslahatyň ahyrynda oňa gatnaşanlar Gahryman Arkadagymyzyň, Arkadagly Gahryman Serdarymyzyň Watanymyzyň halkara derejesindäki abraýyny belende galdyrmakda alyp barýan beýik işleri üçin alkyş sözlerini beýan etdiler.
Gyzlargül ANNAGURDOWA,
Türkmenistanyň Magtymguly adyndaky
Ýaşlar guramasynyňAhal welaýatynyň
Sarahs etrap Geňeşiniň Guramaçylyk
bölüminiň müdiri.
