Golaýda Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher Geňeşiniň hem-de şäher Zenanlar guramasynyň bilelikde guramagynda şäheriň “Altyn” toý hyzmatlar öýünde zenanlaryň gatnaşmagynda söhbetdeşlik geçirildi.
Söhbetdeşlikde şäheriň 12-nji orta mekdebiniň mugallymy, kümüş saçly ene Amandursun Çerkezowa, Türkmenistanyň Magtymguly adyndaky Ýaşlar guramasynyň Mary welaýatynyň Baýramaly şäher Geňeşiniň sanly ulgam boýunça esasy hünärmeni Aýsona Geldimyradowa, Mary welaýat maliýe-ykdysady orta hünär okuw mekdebiniň mugallymy Hatyja Darrynowa dagylar çykyş etdiler. Çykyşlarda zenanlara goýulýan hormat-sarpanyň belende göterilýän ýurdunda ata-babalarymyzdan miras galan däp-dessurlarymyz, edim-gylymlarymyz, ýol-ýörelgelerimiz, milliligimiz hakynda gürüň edildi.
Söhbetdeşligiň ahyrynda oňa gatnaşanlar milli mirasymyza uly sarpa goýýan, gyz-gelinlerimiziň mertebesini belentde tutýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza çäksiz sagbolsunlaryny aýtdylar.
Aýsona GELDIMYRADOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Baýramaly şäher Geňeşiniň Guramaçylyk
bölüminiň sanly ulgam boýunça esasy hünärmeni.
