Türkmen halky üçin “Watan” düşünjesi taryh boýy iň belentde tutulyp gelnen düşünje. Ata-babalarymyz asyrlaryň dowamynda Watany goramak üçin janyny orta goýup söweşipdirler. Geçmiş taryhymyzdan şu güne çenli türkmeniň gahryman ogullarynyň, edermen, batyr esgerleriniň gahrymançylygy halkymyzyň Watana bolan beýik söýgüsiniň beýany boldy.
Watansöýüjilik duýgusy diňe söweş meýdanlarynda däl, döredijilik dünýäsinde-de nurly öwüşgin alýar. Şahyrlaryň, ýazyjylaryň, kompozitorlaryň döredýän eserlerinde bu mukaddes duýgy ýürekden çykyp, kalplara aralaşýar. Watan hakyndaky setirler adamyň ruhuny galkyndyrýar. Şahyryň goşgy setirlerinde, sazandanyň ajap owazynda ýa-da suratkeşiň döreden jadylaýjy eserinde Watana bolan söýgi ebedi ýaşaýar.
Gahryman Arkadagymyzyň döwet galamyndan dörän “Garaşsyzlyga guwanmak, Watany, halky söýmek bagtdyr”, “Bitarap Türkmenistan”, “Mertler Watany beýgeldýär” ýaly çuň manyly ajaýyp eserlerinde Watan mukaddesligine aýratyn orun berilýär. Bu eserlerde Watan düşünjesi diňe söz bilen däl, ýürekden syzylyp çykýan mukaddes duýgy hökmünde şöhlelenýär. Watanyny janyndan eziz görýän halkymyzyň ýüreginde şeýle beýik duýgy ebedi ýaşaýar.
Gülşat ÇETILIÝEWA,
Türkmenistanyň Magtymguly adyndaky Ýaşlar
guramasynyň Marty welaýat Geňeşiniň habarçysy.
