Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň Daşoguz şäher häkimligi, Daşoguz şäher medeniýet merkezi bilen bilelikde gurnamagynda hemişelik Bitaraplygymyzyň 30 ýyllyk baýramy mynasybetli «Ýaşlar» merkezinde «Bitaraplyk-parahatçylygyň, dostlugyň we durnukly ösüşiň gözbaşydyr» atly aýdym-sazly baýramçylyk dabarasy geçirildi. Çärä il sylagly ýaşulular, mährem eneler, bilim, saglygy goraýyş işgärleri, talyp ýaşlar gatnaşdy. Baýramçylyk dabarasynda çykyş edenler Gahryman Arkadagymyzyň başyny başlan beýik tutumlaryny mynasyp dowam etdirýän Arkadagly Gahryman Serdarymyzyň alyp barýan daşary syýasaty, öňe sürýän halkara başlangyçlary bu gün dünýäde giň goldawa eýe bolýandygy barada belläp, hemişelik Bitaraplygymyzyň bize beren miweleri dogrysynda nygtap geçdiler. Dabaranyň dowamynda Daşoguz şäher medeniýet merkeziniň höwesjeň aýdymçylarynyň ýerine ýetirmeginde aýdym-sazly çykyşlaryna giň orun berildi. Dabaranyň ahyrynda oňa gatnaşanlar, Garaşsyz, hemişelik Bitarap ýurdumyzy öňe alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, tutumly işleriniň hemişe rowaçlyklara beslenmegini tüýs ýürekden arzuw etdiler!
Çynar MÄMEDOWA,
Türkmenistanyň Magtymguly adyndaky Ýaşlar guramasynyň
Daşoguz welaýatynyň Daşoguz şäher Geňeşiniň
Guramaçylyk bölüminiň müdiri.
