Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň, Daşoguz welaýat Baş bilim müdirligi bilen bilelikde Halkara Bitaraplyk güni hem-de Birleşen Milletler Guramasynyň Baş Assambleýasy tarapyndan Türkmenistanyň Hemişelik Bitaraplyk derejesiniň ykrar edilmeginiň 30 ýyllygy mynasybetli ýurdumyzyň umumybilim berýän mekdepleriň 3-5-nji synplarda okaýan okuwçy oglanlarynyň arasynda yglan eden «Merdana nesil-2025» atly şadyýan bäsleşiginiň Daşoguz şäher tapgyry geçirildi. Bäsleşik Daşoguz şäheriniň “Ýaşlar” merkezinde geçirildi. Bäsleşige Daşoguz şäheriniň orta mekdeplerinde bilim alýan 3-5-nji synplarynda bilim alýan okuwçylar gatnaşdylar. Bäsleşik 3 şertden ybarat bolup ýagny, türkmen halkyna mynasyp bolan merdanalyk, Watana bolan söýgini, ata-babalarymyzyň gahrymançylykly synmaz ruhuna belent sarpasyna, bagtyýar zamanamyzyň ýetilen üstünliklerini, ýürek buýsançlaryny çeper sözleriň üsti bilen beýan etmek, şorta söz ýerine ýetirmek, Hormatly Prezidentimiziň parasatly ýolbaşçylygynda Berkarar döwletiň täze eýýamynyň Galkynyşy döwründe amala aşyrylýan uly ösüşleri, bagtyýar çagalygy, dost-doganlygy wasp edýän aýdym-sazly çykyşlary çagalar uly ruhubelentlikde ýerine ýetirdiler. Bäsleşik diýseň gyzykly we çekeleşikli geçdi. Netijede, bäsleşigiň şäher tapgyrynda Daşoguz şäheriniň 10-njy orta mekdebiň 3-nji synp okuwçysy Salyh Baýramgeldiýew, 2-nji orna 13-nji orta mekdebiň 5-nji synp okuwçysy Joşgun Pirnepesow ýeňiş gazandy. Ýeňijilere Türkmenistanyň Magtymguly adyndaky Ýaşlar guramasynyň Daşoguz şäher Geňeşiniň we Daşoguz welaýat Baş bilim müdirliginiň adyndan Hormat hatlary we ýadygärlik sowgatlary dabaraly gowşuryldy.
Sabyrgeldi BEGOW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Daşoguz şäher Geňeşiniň başlygy.
