Ýakynda Mary welaýatynyň Ýolöten etrap häkimliginiň, Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň, Türkmenistanyň Agrar Partiýasynyň Mary welaýatynyň Ýolöten etrap komitetiniň, Türkmenistanyň Demokratik partiýasynyň Mary welaýatynyň Ýolöten etrap komitetiniň, Türkmenistanyň Kärdeşler arkalaşyklarynyň Mary welaýatynyň Ýolöten etrap birleşmesiniň, Ýolöten etrap medeniýet bölüminiň bilelikde guramaklarynda Halkara parahatçylyk we ynanyşmak ýylynda giňden belleniljek Türkmenistanyň hemişelik Bitaraplygyň şanly 30 ýyllyk toýy mynasybetli Ýolöten şäheriniň «Güneş» toý mekanynda geçirilen aýdym-sazly baýramçylyk dabarasy uly ruhubelentlige beslendi.
Dabaranyň başynda toý ruhunda bezelen giň sahnada etrabyň sungat ussatlarynyň aýdym-sazly çykyşlary, tans toparlarynyň doganlyk halklaryň milli tanslary ussatlyk bilen ýerine ýetirilip, dabara gatnaşyjylaryň toý şatlygyny goşalandyrdy.
Belentden ýaňlanan şirin owazly aýdymdyr sazlarda Garaşsyz, hemişelik Bitarap Türkmenistan döwletimiziň, Gahryman Arkadagymyzyň, Arkadagly Gahryman Serdarymyzyň döwletli işleriniň, ajaýyp döwrüniň, bagtyýar halkymyzyň waspy ýetirildi. Baýramçylyk dabarasynyň dowamynda toý gutlaglary bilen ýürek buýsançlary beýan edilip, ýurdumyzyň parahatçylygy ugrunda beýik işleri amala aşyrýan türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza çäksiz alkyş sözlerini beýan etdiler.
Batyr JUMAHANOW,
Türkmenistanyň Magtymguly adyndaky Ýaşlar guramasynyň
Mary welaýatynyň Ýolöten etrap Geňeşiniň uly buhgalteri.
