ÝAŞLAR WE ÝAŞLAR GURAMASY

Türk­me­nis­ta­nyň Mej­li­si­niň de­pu­tat­la­ry­nyň gat­naş­mak­la­rynda Gök­de­re­dä­ki «Ýaş­lyk» ça­ga­lar sa­gal­dyş we dynç alyş mer­ke­zinde dynç al­ýan ça­ga­la­ryň ara­syn­da «Kä­mil ne­sil — nu­ra­na gel­jek» ady bi­len aý­dym-saz­ly çä­re ge­çi­ril­di. Ony Aş­ga­bat şä­her Ýaş­lar gu­ra­masy gu­ra­dy. Sal­kyn sa­ýa­ly jül­ge­de dynç al­ýan ça­ga­lar la­byz­ly goş­gy aý­dyp, şirinden-şirin aý­dym-saz­ly çy­kyş­la­ry­nyň üs­ti bi­len ýur­du­my­zy eş­ret­li ça­ga­ly­gyň me­ka­ny­na öw­ren hor­mat­ly Pre­zi­den­ti­mi­ze bo­lan alkyş söz­le­ri­ni, Wa­ta­ny­my­za bo­lan çäk­siz söý­gü­le­ri­ni be­ýan et­di­ler. Ru­hu­be­lent­li­ge bes­le­nen aý­dym-saz­ly çä­rä­niň so­ňy sport bäs­le­şik­le­ri bi­len ut­gaş­dy.

Nurmuhammet DÖWLETOW,

TMÝG-niň Aşgabat şäher Geňeşiniň başlygynyň orunbasary.

Ber­ka­rar­lyk et­rap Ýaş­lar gura­ma­sy ta­ra­pyn­dan spor­tuň fut­bol gör­nü­şi bo­ýun­ça ge­çi­ri­len «Al­tyn top» at­ly ýa­ryş «Al­tyn süm­mül» ça­ga­lar sa­gal­dyş we dynç alyş merke­zin­de wag­ty­ny hoş ge­çir­ýän çaga­la­ryň ara­syn­da bol­dy. Şa­dy­ýan ça­ga­lar to­par­la­ra bö­lü­nip, öz­le­riniň us­sat­lyk­la­ry­ny ba­şar­jaň­lyk bilen gör­kez­di­ler. Diý­seň çe­ke­le­şik­li hem-de gy­zyk­ly ge­çen bäs­le­şik­de ýe­ňi­ji bo­lan to­pa­ra Ber­ka­rar­lyk etrap Ýaş­lar gu­ra­ma­sy ta­ra­pyn­dan sow­gat­lar gow­şu­ryl­dy.

Gülaýym AŞYROWA,

TMÝG-niň Berkararlyk etrap Geňeşiniň esasy hünärmeni.

«Mil­li se­na­ga­tyň tä­ze kuwwat­lyk­la­ry­na ýaş­lar buý­san­ýar» at­ly şy­gar as­tyn­da hor­mat­ly Pre­zi­denti­mi­ziň ak pa­ta ber­me­gi bi­len Ahal we­la­ýatyn­da açy­lan te­bi­gy gaz­dan ben­zin ön­dür­ýän za­wo­dyň mej­lis­ler za­lyn­da da­ba­ra­ly mas­la­hat ge­çi­ril­di. On­da çy­kyş eden­le­riň bel­leý­şi ýaly, te­bi­gy gaz­dan eko­lo­gi­ýa taý­dan aras­sa sin­te­tik aw­tou­lag ýan­gy­jy çyka­ryl­ýan dün­ýä­de il­kin­ji za­wo­dyň bi­ziň ýur­du­myz­da gur­lup, ulan­ma­ga be­ril­me­gi bü­tin hal­ky­my­zyň buý­sanjy­ny art­dyr­dy. Za­wod­da zäh­met çekýän­ler üçin dö­re­di­len oňaý­ly şert­ler bi­len ta­nyş­dy­ryl­dy. Iri se­na­gat top­lumyn­da zäh­met çek­ýän ýaş­la­ryň birnä­çe­si­ne Gök­de­pe et­rap Ýaş­lar gu­rama­sy­nyň ýö­ri­te taý­ýar­lan ýa­dy­gär­lik sow­gat­la­ry gow­şu­ryl­dy.

Ogultäç GURTGELDIÝEWA,

TMÝG-niň Gökdepe etrap Geňeşiniň bölüm müdiri.

«Türk­me­nis­tan­da ýaş­lar bara­da­ky döw­let sy­ýa­sa­ty­nyň 2015 — 2020-nji ýyl­lar üçin döw­let Maksat­na­ma­sy­na» la­ýyk­lyk­da, ýaş­la­ry köp­çü­lik­le­ýin spor­ta çek­mek, olaryň sag­dyn dur­muş ýö­rel­ge­le­ri­ne eýer­mek­le­ri­ni ga­zan­mak we spor­ta bo­lan söý­gü­si­ni art­dyr­mak mak­sady bi­len, Sa­kar­çä­ge et­ra­by­nyň sport mek­de­bin­de ýet­gin­jek­le­riň ara­synda spor­tuň wo­leý­bol, ten­nis, fut­bol gör­nüş­le­ri bo­ýun­ça bäs­le­şik ge­çi­rildi. Sa­kar­çä­ge et­rap Ýaş­lar gu­ra­masy­nyň hem-de et­rap sport we ýaş­lar sy­ýa­sa­ty bö­lü­mi­niň bi­le­lik­de gu­ran bu sport bäs­le­şi­gi «Sag­dyn dur­muş — sag­dyn jem­gy­ýet» diý­lip at­lan­dyryl­dy. Bäs­le­şik­de ta­pa­wut­la­nan ýaşlar Sa­kar­çä­ge et­rap Ýaş­lar gu­ra­masy­nyň Hor­mat hat­la­ry­na my­na­syp bol­du­lar.

Toýly ÇARYÝEW,

TMÝG-niň Sakarçäge etrap Geňeşiniň esasy hünärmeni.

Dä­new et­ra­by­nyň or­ta mekdep­le­rin­de açy­lan ça­ga­lar dynç alyş meý­dan­ça­la­ry to­mus­ky dynç alyş gün­le­rin­de ça­ga­la­ra unu­dyl­ma­jak şat­lyk­ly pur­sat­la­ry eçil­ýär. To­mus möw­sü­mi­niň do­wam ed­ýän gy­zykly gün­le­rin­de bu ýer­de ça­ga­la­ryň şatlyk-şowhuny has-da be­lent­den ýaň­lan­ýar. Şeý­le şatlyk-şowhuny etra­byň 21-nji or­ta mek­de­bin­de he­reket ed­ýän «Le­bap» ça­ga­lar dynç alyş meý­dan­ça­syn­da has aý­dyň duý­mak bol­ýar. Bu ýer­de dynç al­ýan ça­ga­lar bi­len Amy­der­ýa döw­let te­bi­gy gorag­ha­na­sy­na «Te­bi­gat — gö­zel­lik» at­ly gy­zyk­ly ge­ze­lenç gu­ral­dy. Olar go­rag­ha­na­da guş­la­ryň dür­li gör­nüşle­ri­ne we ösüm­lik dün­ýä­si­ne syn etdi­ler. Ge­ze­lenç ça­ga­lar­da ýa­kym­ly tä­sir gal­dyr­dy.

Dursunjemal SARYÝEWA,

TMÝG-niň Dänew etrap Geňeşiniň esasy hünärmeni.

Mag­tym­gu­ly et­ra­by­nyň me­deni­ýet öýün­de zäh­met çek­ýän iş­gär­leriň we me­de­ni­ýe­te hem-de sun­ga­ta hö­we­sek ýaş­la­ryň ara­syn­da wa­gyz-ne­si­hat du­şu­şy­gy ge­çi­ril­di. «Ýa­ramaz en­dik­den daş­da du­ra­lyň!» at­ly şy­gar as­tyn­da ge­çen wa­gyz-ne­si­hat du­şu­şy­gy­nyň esa­sy mak­sa­dy ýaş­laryň ara­syn­da ter­tip-düz­gü­ni ber­kitmek bilen bagly bol­dy. On­da ýaş­la­ra sag­dyn dur­muş ýö­rel­ge­le­ri­ne berk eýe­rip, mak­sa­da ok­gun­ly, kä­mil hünär­li bol­mak­lyk ün­del­di.

Bägül SÄDIÝEWA,

TMÝG-niň Magtymguly etrap Geňeşiniň esasy hünärmeni.

Ber­ka­rar döw­le­ti­mi­ziň bag­tyýar­lyk döw­rün­de hor­mat­ly Pre­ziden­ti­mi­ziň taý­syz ta­gal­la­la­ry bi­len ça­ga­lar aý­ra­tyn söý­gi we mä­hir bi­len gur­şal­ýar. Ola­ryň sag­dyn be­den­li, edep-ter­bi­ýe­li, bi­lim­le­ri çuň­ňur ele alyp, kä­mil şah­sy­ýet­ler bo­lup ýe­tişmek­le­ri üçin giň şert­ler dö­re­dil­ýär. To­mus­ky dynç alyş möw­sü­min­de Awa­za, Gök­de­re ýa­ly aja­ýyp tebi­gy ýer­ler­de he­re­ket ed­ýän dynç alyş mer­kez­le­rin­de ça­ga­la­ryň sa­pa­ly dynç al­mak­la­ry üçin, äh­li ze­rur bolan müm­kin­çi­lik­le­riň bar­dy­gy­ny belläp geç­mek­lik diý­seň ýa­kym­ly.

Gu­ba­dag et­ra­byn­da he­re­ket edýän ça­ga­lar dynç alyş meý­dan­ça­laryn­da dynç al­ýan ça­ga­la­ryň ne­ti­je­li dynç al­mak­la­ry üçin ýygy-ýygydan çä­re­ler ge­çi­ri­l­ýär. Ýa­kyn­da et­ra­byň 57-nji or­ta mek­de­bin­de dö­re­di­len ça­ga­lar dynç alyş meý­dan­ça­syn­da «Ar­ka­dag­ly Di­ýar­da bag­ty­ýar biz, bag­ty­ýar» ady bi­len ge­çi­ri­len aýdym-saz­ly çä­re hem ýo­ka­ry ru­hu­belent­li­ge bes­len­di.

Çary KAKABAÝEW,

TMÝG-niň Gubadag etrap Geňeşiniň başlygy.

“Nesil” gazeti,

11.07.2019ý.