Şu gün Türkmenistanyň Ylymlar akademiýasynyň Taryh institutynyň mejlisler jaýynda 2020-nji ýylyň «Türkmenistan – Bitaraplygyň mekany» ýyly diýlip atlandyrylmagy, şeýle-de ylyma, bilime uly ähmiýet berilýän Berkarar döwletimiziň bagtyýarlyk döwründe hormatly Prezidentimiziň parasatly ýolbaşçylygynda ýurdumyzda hereket edýän ylym-bilim edaralarynyň mümkinçiliklerini has-da giňeltmekde, ýaş alymlara goldaw bermekde, olaryň intellektual eýeçiligini goramakda, ýaşlara ylmy işleriň netijelerini önümçilige ornaşdyrmakda, ýaşlaryň ylyma höwesini artdyrmakda ýerine ýetirilmeli işleri wagyz-nesihat etmek maksady bilen maslahat geçirildi. «Türkmenistan – Bitaraplygyň we bagtly durmuşyň mekany» ady bilen geçen ylmy maslahaty Türkmenistanyň Ylymlar akademiýasy, Türkmenistanyň Magtymguly adyndaky Ýaşlar guramasynyň Merkezi Geňeşi we Ýaş alymlar merkezi bilelikde guradylar.
Begmuhammet MEREDOW,
TMÝG-niň Merkezi Geňeşiniň bölüm müdiri.
