Lebap welaýatynyň Farap etrabyndaky 15-nji «Şöhle» çagalar bagynda terbiýelenýän uly topar çagalaryň arasynda etrap Ýaşlar guramasynyň gurnamagynda «Berkarar döwletiň bagtyýarlyk döwrüniň nesilleri» ady bilen surat çekmek boýunça bäsleşik geçirildi. Bäsleşige TMÝG-niň etrap Geňeşiniň guramaçylyk bölüminiň hünärmeni D.Rozykulyýewa, 15-nji «Şöhle» çagalar bagynyň uly toparynyň terbiýeçisi G.Hamdamowa gatnaşyp, çagalaryň surat çekişine syn edip baha berdiler. Bäsleşige gatnaşan çagalar öz başarnyklaryny görkezip, dürli görnüşdäki suratlaryň onlarçasyny çekdiler. Olaryň çeken suratlarynyň aglabasy çaga durmuşyndan söz açýar. Bäsleşikde ýeňiji bolan çagalara guramaçylar tarapyndan Hormat hatlarydyr ýadygärlik sowgatlar gowşuryldy.
