Öňňin Türkmenistanyň Sport we ýaşlar syýasaty ministrliginiň mejlisler zalynda Türkmenistanyň Sport we ýaşlar syýasaty ministrliginiň we Türkmenistanyň Magtymguly adyndaky Ýaşlar guramasynyň Aşgabat şäheriniň Geňeşiniň bilelikde gurnamagynda «Bütindünýä welosiped güni» mynasybetli Tegelek stoluň başynda wagyz-nesihat duşuşygy geçirildi.
Duşuşyga Türkmenistanyň Sport we ýaşlar syýasaty ministrliginiň we Türkmenistanyň Magtymguly adyndaky Ýaşlar guramasynyň Aşgabat şäheriniň Geňeşiniň işgärleri gatnaşdylar.
Wagyz-nesihat duşuşygyna gatnaşyjylar Türkmen sportunyň we Ýaşlaryň hak howandary Milli Liderimiziň başlangyjy bilen 2018-nji ýylyň 12-nji aprelinde BMG-nyň Baş Assambleýasynyň 72-nji mejlisiniň 82-nji maslahatynda “3-nji iýuny Bütindünýä welosiped güni” diýlip yglan etmek hakynda Kararnamanyň ähmiýeti, bu baýramçylyk mynasybetli ýurdumyzda geçirilýän köpçülikleýin bedenterbiýe-sport çäreler, welosipedli ýörişler, welosportuň ynsan saglygyna peýdasy we sportuň bu görnüşi bilen Ata Watanymyzda meşgullanmak üçin döredilýän ajaýyp şertler barada çykyş etdiler.
Duşuşygyň netijesinde Türkmenistanyň Magtymguly adyndaky Ýaşlar guramasynyň hataryna täze kabul edilen Türkmenistanyň Sport we ýaşlar syýasaty ministrliginiň işgärlerine agzalyk şahadatnamalary we ýadygärlik sowgatlary gowşuryldy.
