Her bir güni üstünliklerden-üstünliklere, ösüşlerden-ösüşlere ynamly gadam basýan eziz Watanymyzyň Baky Bitaraplygyny alanyna bu ýyl 25 ýyl dolýar. Şanly sene mynasybetli ýurdumyzda ýygy-ýygydan ylmy-amaly maslahatlar ýokary derejede geçirilmegi dowam edýär.
Ýakynda Halkara nebit we gaz uniwersitetinde «Iki palataly parlament ulgamyna geçilmegi raýat jemgyýetini gurmakda täze ädimdir» atly maslahat geçirildi. Maslahaty uniwersitetiň professory Nurýagdy Suwhanow alyp baryp onda, uniwersitetiň rektorynyň we jemgyýetçilik guramalarynyň ýolbaşçylarynyň, Türkmenistanyň Magtymguly adyndaky ýaşlar guramasynyň ýolbaşçysynyň çykyşyna uly gyzyklanma bildirildi. Maslahatyň dowamynda uniwersitetiň «Gara altyn» çeper höwesjeňler toparynyň çykyşlary maslahata gatnaşyjylarda has-da uly täsir galdyrdy. Maslahatyň ahyrynda oňa gatnaşyjylar tarapyndan Gahryman Arkadagymyza hoşallyk sözleri aýdyldy.
