2022-nji ýylyň ýanwar aýyndan Türkmenistanyň Ylymlar akademiýasynyň Tehnologiýalar merkeziniň düzüm bölümi hökmünde tehnologiýalaryň transfer merkezi (TTM) döredildi. Tehnologiýalaryň transfer merkeziniň işiniň esasy maksady ylmy-barlag taslamalary, tejribe-tehnologik we tejribe-gurluş (konstruktorlyk) işleriniň netijelerini täjirçilik esasyna geçirmek ýoly bilen innowasiýa we maýa goýum taslamalaryny öňe sürmäge ýardam bermekden ybaratdyr.
Goýlan maksada laýyklykda, TTM-niň esasy wezipeleri şulardan ybarat:
- TTM-niň işi boýunça maslahat (konsalting) hyzmatlaryny bermek;
- hünärmentçilik (ekspert) bahany bermegi amala aşyrmak we geljegi uly (perspektiw) taslamalaryň, işleriň, intellektual işjeňligiň netijelerini täjirleşdirmek boýunça teklipleri bermek;
- başlangyç marketing gözleglerini geçirmek, innowasia pikirler (ideýalar) we tehnologiýalar barada maglumatlary ýygnamak we seljermek;
- intellektual eýeçilik hukuklarynyň goralmagyna ýardam bermek;
- ylmy-gözleg we tejribe-gurluş (konstruktorlyk) işleriniň netijelerine müşderleri çekmek;
- ylmy taslamalary we pikirleri (ideýalary) täjirleşdirmek üçin maliýe çeşmelerini çekmek;
- Tehnologiýalaryň Transfer Merkeziniň kömegi bilen başlangyç kärhanalaryny, işewürlik inkubatorlaryny döretmek we mahabatlandyrmak.
Öňünde goýan maksatlaryna ýetmek üçin TTM öz işini aşakda görkezilen ugurlar boýunça alyp barýar:
- ylmy taslamalaryň, işleriň, ideýalaryň täjirçilik mümkinçiliklerine baha bermek üçin seljeriş (ekspertiza) geçirmek;
- intellektual eýeçilige bolan hukuklary goramak, intellektual eýeçiligi geçirmek we ulanmak boýunça işleri ýerine ýetirmek, şol sanda patent bermek, arzalary hasaba almak we tabşyrmak;
- maslahat-usulyýet goldawy amala aşyrmak (ykdysady, maliýe, hukuk ugurlary boýunça, normatiwleri (kada ülňülerini), tehniki-ykdysady esaslandyryşy, iş meýilnamalaryny we ş.m işläp düzmek);
- innowasiýa taslamalaryny we işlerini hasaba almakda we öňe sürmekde kömek bermek, işleri bile alyp barmak;
- innowasiýa taslamalaryna, şol sanda tehnologiýalaryň transfer taslamalaryna hem maliýe serişdelerini çekmek;
- taýýar edilen işleriniň ýaryşlaryny, grantlaryny, sergilerini guramak we hödürlemek, potensial alyjylar bilen gepleşik geçirmek;
- ylym, işewir we beýleki bähbitli taraplaryň wekilleri üçin bilelikdäki çäreleri guramak (seminarlar, maslahatlar, iş ulgamlary, tegelek stollar we ş.m.);
- innowasia pikirleriň (idealaryň) bäsleşiklerini we perspektiw (geljegi uly) tehnologiýalary saýlap almagyň başga işlerini guramak;
- innowasia tehnologiýalaryna esaslanýan başlangyç we işewür inkubatorlary döretmek;
- halkara guramalar we daşary ýurt ylmy-tehniki, dizaýn , innowasiýa we senagat başlangyç we işewür inkubatorlary döretmek;
- halkara guramalar we daşary ýurt ylmy-tehniki, taslama-gurluş, innowasiýa we senagat kompaniýalary bilen halkara hyzmatdaşlygyň ösmegine ýardam bermek üçin hyzmatlar;
- ýerli we daşary ýurt maýa goýumlaryny, maýadarlary, işewir hyzmatdaşlary çekmek üçin maslahat hyzmatlary;
- ylmy we tehniki ösüşleri täjirleşdirmek we tehnologiýalaryň transferi boýunça maslahat beriş hyzmatlaryny amala aşyrmak;
- mahabat çärelerini geçirmek, mahabat we maglumat önümlerini taýýarlamak, döredilen harytlary, tehnologiýalary, hyzmatlary, guramaçylyk we tehniki çözgütleri mahabatlandyrmak üçin hyzmatlar;
- innowasiýa tehnologiýalarynyň we kärhanalarynyň tehnologiki barlagy (auyditi).
Müşderiler bilen operatiw (derhal) aragatnaşygy amala aşyrmak üçin bu ýerde “Sorag” opsiýasy döredilen, Siz onuň üsti bilen sorag-teklipleriňizi ugradyp bilersiňiz.
Isa BABAÝEW,
Türkmenistanyň Ylymlar akademiýasynyň
Tehnologiýalaryň transfer merkeziniň
esasy ykdysadyýetçisi.
