Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşi, Çärjew etrap polisiýa bölüminiň KÝÝIBB-niň işgärleri bilen bilelikde etrabyň daşary ýurt dillerini çuňlaşdyryp öwredýän ýöriteleşdirilen 39-njy orta mekdebinde bilim alýan ýokary synp okuwçylaryň we mugallymlarynyň gatnaşmaklarynda ýaşlaryň arasynda terbiýeçilik işlerini güýçlendirmek, olaryň ýüze çykýan nogsanlyklardan daşda durmaklaryny gazanmak maksady bilen “Terbiýe maşgaladan başlanýar” ady bilen wagyz-nesihat duşuşygy geçirildi. Wagyz-nesihat duşuşygynyň dowamynda TMÝG-niň Lebap welaýatynyň Çärjew etrap Geňeşiniň başlygy Merdan Döwletow, Çärjew etrap polisiýa bölüminiň KÝÝIBB-niň başlygy Meretguly Meredow, etrabyň daşary ýurt dillerini çuňlaşdyryp öwredýän ýöriteleşdirilen 39-njy orta mekdebiniň müdiri Zaýfuddin Narzyýew, TMÝG-niň Lebap welaýatynyň Çärjew etrap Geňeşiniň guramaçylyk bölüminiň esasy hünärmeni Nadira Rahmedowa, Çärjew etrap polisiýa bölüminiň KÝÝIBB-niň gözegçisi Mähri Öwezowa, Çärjew etrap polisiýa bölüminiň KÝÝIBB-niň gözegçisi Ihtiýar Ýusupow dagylar çykyş etdiler. Olar öz çykyşlarynda Berkarar döwletiň täze eýýamynyň Galkynyşy döwründe ýaş nesil barada edilýän aladalar, maşgala mukaddesligi, çaga berilýän terbiýe, terbiýäniň ata-eneden baglylygy, Watanymyzyň geljegi bolan ýaşlarymyzyň ýüze çykýan nogsanlyklardan daşda durmaklary, ata Watanymyzy gülledip ösdürýän ýaşlar bolup ýetişmekleri barada nygtadylar we ähli ýaşlarymyzyň adyndan her bir maşgalada kemally çagalaryň ösüp ýetişmegi ugrunda uly tagallalary edýän Gahryman Arkadagymyza, peder ýoluny mynasyp dowam etdirýän Arkadagly Serdarymyza köp sagbolsun aýtdylar.
Nadira RAHMEDOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň guramaçylyk
Bölüminiň esasy hünärmeni.
