Berkarar döwletiň täze eýýamynyň Galkynyşy döwründe Arkadagly Serdarymyzyň parasatly baştutanlygynda her bir ýylyň döwrebap şygarlar bilen atlandyrylmagynyň däbe öwrülen ajaýyp ýurdumyzda bu ýylyň hem “Arkadag Serdarly bagtyýar ýaşlar ýyly” şygarynyň dakylmagy mynasybetli Türkmenistanyň Magtymguly adyndaky Ýaşlar guramasynyň Türkmenbaşy şäher Geňeşi tarapyndan, medeniýet we sungat ussatlarynyň gatnaşmagynda şatlykly-şowhunly, aýdym-sazly çäre geçirildi. Çärede sungat ussatlary täze ýylyň ady bilen baglanşykly birnäçe şowhunly çykyşlary ýerine ýetirdiler. Çärede çykyş edenler agzybirlik bilen gadam basan täze ýylymyzda hem ildeşlerimizi belent maksatlara, Türkmenistanyň “Ýaşlar syýasaty” hakyndaky Kanunynyň rejelenen görnüşiniň täze ösüşlere ýetmek bilen bagly uly ruhubelentligiň gurşap alandygyny aýdyp ýürek joşgunlaryny beýan etdiler. Çärä gatnaşanlar 2023-nji ýylyň hem 2022-nji ýyl ýaly şanly seneler, taryhy wakalara, belent üstünliklere baý ýyllaryň biri bolmagyny arzuwlap, berkarar döwleti, ajaýyp zamanany peşgeş beren, ýurdumyzyň halkara at-abraýyny has-da belende galdyran hormatly Prezidentimiziň janynyň sag, ömrüniň uzak, il-ýurt bähbitli umumyadamzat ähmiýetli beýik işleriniň mundan beýläk-de rowaç almagyny tüýs ýürekden arzuw etdiler.
Maýagül GARAJAÝEWA,
TMÝG-niň Türkmenbaşy şäher Geňeşiniň
Sanly ulgam boýunça esasy hünärmeni.
