Ýüreklere buýsanç, kalplara joşgun,
Düzlere bereket, deňzine daşgyn,
Bir ýylda on ýyllyk ýollary aşyp,
Halkyma sowulmaz döwran gelendir
Ýaşlar Arkadagly Serdar bilendir!
Ýaşlar orta çykýar, berk guşap bili,
Gadamlary batly, gaýratly eli,
Depginleri göýä daglaryň sili,
Eziz Diýarymyz-bagy eremdir
Ýaşlar Arkadagly Serdar bilendir!
Barha rowaçlanyp, ösüşleň bady,
Dünýä meşhur boldy türkmeniň ady,
Goşant goşýar ogul-gyzy, zürýady,
Ene toprak keramatdyr-keremdir
Ýaşlar Arkadagly Serdar bilendir!
Gyzlary çeperdir, ogly hünärli,
Ýürekleň ataşy gün kibi çogly,
Watanyň geljegi ýaşlara bagly,
Bagt guşy ganatlaryn gerendir
Ýaşlar Arkadagly Serdar bilendir!
Gahryman Gerçekden alyp ak pata,
Arkadagly Serdar ýol açdy bagta,
Ümzügi ileri, ýüzleri ýagta,
Ýeňişleri halal zähmet, bilimdir
Ýaşlar Arkadagly Serdar bilendir!
Kemal SABYROW,
TMÝG-niň Daşoguz welaýatynyň Görogly
etrap Geňeşiniň guramaçylyk bölüminiň
sanly ulgam boýunça hünärmeni.
