Türkmenistanyň Magtymguly adyndaky Ýaşlar guramasynyň Balkan welaýatynyň Magtymguly etrap Geňeş, Magtymguly etrap Bilim bölümi bilen bilelikde Milli bahar baýramy mynasybetli etrabyň orta mekdepleriniň 2-4-nji synp okuwçy gyzjagazlaryň arasynda “Iň eýjejik gyzjagaz-2023” atly şadyýan bäsleşigi Magtymguly etrabynyň 19-njy orta mekdebinde geçirildi. Bäsleşigiň baş maksady, Hormatly Prezidentimiziň “Beýik geljegimiz siziň bagtyýarlygyňyz, kadaly ösüşiňiz bilen aýrylmaz baglydyr. Şundan ugur alyp, nesilleri halkymyzyň asylly däpleri esasynda terbiýelemegi örän möhüm wezipeleriň biri hasaplaýarys“ diýen sargytlaryndan, Berkarar döwletiň täze eýýamynyň Galkynyşy döwrüniň bagtyýar nesilleriniň bolelin durmuşda ýaşamagy, şadyýan, sagdyn ösmegi, döwrebap bilim-terbiýe almagy, hünär öwrenmegi, geljekde Watanymyza peýdaly adamlar bolup ýetişmekleri üçin durmuşa geçirýän beýik işlerinden Türkmen halkynyň Milli Lideri Gahryman Arkadagymyzyň berýän gymmatly maslahatlaryndan ugur alyp, ösüp gelýän ýaş nesliň sungata, döredijilige bolan söýgüsini, bilimlerini ösdürmekden, kämilleşdirmekden zehinli çagalary ýüze çykarmakdan we olary goldamakdan, olaryň ählitaraplaýyn kämil ýaşlar bolup ýetişmeklerini gazanmakdan ybarat bolup durýar. Bu geçirilen “Iň eýjejik gyzjagaz-2023” atly şadyýan bäsleşigi üç şertden ybarat bolup, bäsleşige gatnaşýan gyzjagazlar düzgünnama laýyklykda bäsleşip öz ukyp başarnyklaryny görkezdiler. Bäsleşikde birinji oruna Magtymguly etrabynyň 19-njy orta mekdebiniň 2-nji synp okuwçysy Amangeldiýewa Aýnagözel, ikinji oruna Magtymguly etrabynyň 13-nji orta mekdebiniň 3-nji synp okuwçysy Saparmämmedowa Gülnar, üçünji oruna Magtymguly etrabynyň 13-nji orta mekdebiniň 2-nji synp okuwçysy Meretmämmedowa Medine mynasyp bolmagy başardylar. Ýeňiji bolanlara etrap TMÝG-niň Magtymguly etrap Geňeşi tarapyndan hormat hatlary we ýadygärlik sowgatlary gowşuryldy.
Serdar MYRADOW,
TMÝG-niň Magtymguly
etrap Geňeşiniň başlygy.
