Ümmülmez giňişlik dag-düze çenli,
Uzap ýatan ýaýla Watandyr, Watan.
Çagalaň gülküsi, gojalaň pendi,
Ömürlere ömür gatandyr Watan.
Pederleriň yhlasyndan döräni,
Halallykdyr nusga edip ýöräni,
Gyşda garlar bolup, ýazda eräni,
Dört pasly gülzarly Watandyr, Watan.
Ak ýaýlama çagba bolup aýlanan,
Dal bedewleň aýlawlarda saýlanan,
Owaz bolup, gursaklary gaýnadan,
Waspy saza salnan Watandyr, Watan.
Ýada salar gyz-gelinleň gaýmasyn,
Synla bu gün gül Watanyň ýaýlasyn,
Görersiň türkmeniň göwün aýnasyn,
Jennete deňelen bag-erem Watan.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
