Şu gün Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň guramagynda «El hünäri – gelin-gyzlaryň baş zynaty» atly maslahat duşuşygy geçirildi. Gahryman Arkadagymyzyň käbesi, Arkadagly Serdarymyzyň mähriban enesi Ogulabat ejäniň on barmagyndan sünnälenip örülen milli alajanyň we iş guralynyň döwlet muzeýine tabşyrylmagy mynasybetli ýaşlary milli ruhda terbiýelemek, türkmen gelin-gyzlarynyň milli el işlerine söýgüsini artdyrmak, olaryň asyrlarboýy dowam edip gelýän asylly däplere, edep-ekramlylyga eýermeklerini gazanmak, ene-mamalarymyzdan miras galan milliliklerimizi geljekki nesillere ýetirmek maksady bilen guralan bu çäre Arkadag şäheriniň taryhy we ülkäni öwreniş muzeýinde geçirildi.
Täsirli çykyşlara, buýsançly söhbetlere beslenen duşuşyga Gahryman Arkadagymyzyň döredijilik zehiniň, Arkadagly Serdarymyzyň il-halkymyz babatda döredip berýän şertleriniň miwesi bolan Arkadag şäheriniň çäginde dürli edara-kärhanalarda zähmet çekýän ýaşlarymyz gatnaşdylar.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
