Ýaňy-ýakynda Ahal welaýatynyň Babadaýhan etrap häkimliginiň, etrabyň jemgyýetçilik guramalarynyň we Babadaýhan etrap medeniýet öýüniň bilelikde gurnamagynda Babadaýhan etrabynyň Akwekil geňeşliginiň meýdan düşelgesinde pagtaçy kärendeçileriň, we ýygymçylaryň işe bolan höwesini artdyrmak, şeýle hem armalaryny ýetirmek maksady bilen aýdym-sazly medeni köpçülikleýin dynç alyş çäresi geçirildi. Dynç alyş çäresinde aýdym-sazlar belent ýaňlanyp, etrap medeniýet öýüniň aýdymçylarynyň mahmal owazly aýdymlary we wäşileriň sahnalary uly el çarpyşmalara beslendi. Çärä gatnaşanlar ýurdumyzyň oba hojalyk ulgamyny kämilleşdirmek, daýhanlaryň netijeli zähmet çekip, zähmediniň rehnedini görmekleri hem-de hormatly Prezidentimiziň döredýän giň mümkinçilikleri üçin alkyş aýtdylar. Pagta hasylyny ýetişdirmekde aýratyn tapawutlanan kärendeçilere we pagta hasylyny ýitgisiz ýygnaýan kombaýnçylara jemgyýetçilik guramalarynyň adyndan ýadygärlik sowgatlary gowşuryldy.
Leýli BEGENJOWA,
TMÝG-niň Babadaýhan etrap
Geňeşiniň Guramaçylyk bölüminiň
sanly ulgam boýunça esasy hünärmeni.
