Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň parasatly baştutanlygynda belent maksatlary nazarlaýan beýik işler durmuşa geçirilýär. Garaşsyz, hemişelik Bitarap Watanymyz bedew bady bilen okgunly öňe barýar. Gözel paýtagtymyz Aşgabat sanlyja ýyllaryň içinde dünýäniň iň owadan şäherleriniň birine öwrüldi. Gözel paýtagtymyzyň mermer binalarynyň, giň şaýollarynyň, döwrebap seýilgähleriniň gözelligi görenleri haýrana goýýar. Bereketli güýz paslynyň dowam edýän günlerinde paýtagtymyzyň şaýollarynyň, köçeleriniň gyralarynda, seýilgählerdir medeni-dynç alyş merkezlerinde göýä älemgoşary ýada salýan owadan gülleriň oturdylmagy, olardan dürli şekilleriň, gözelligiň emele getirilmegi her bir adamda ýakymly duýgulary döredýär.
Döwletimiziň ösüşlerini alamatlandyrýan täze medeni-durmuş maksatly binalar, ýaşaýyş jaýlary yzygiderli gurlup ulanylmaga berilýär. Ak mermerli binalar toplumy türkmen halkynyň asyrlaryň jümmüşinden gözbaş alýan «ak zat alnyňa ýagşy» diýen pähiminiň beýanyna öwrülip, ýurdumyzyň dünýä ýüzündäki päk niýetlerden, hoşniýetli maksatlardan ugur alýan syýasatyny dabaralandyrýar. Durmuşa geçirilýän beýik işleriň ählisi Gahryman Arkadagymyzyň, Arkadagly Gahryman Serdarymyzyň halkymyzy abadan, bolelin durmuşda ýaşatmak ugrundaky taýsyz tagallalarynyň ajaýyp netijeleridir.
Döwletgeldi SARYÝEW,
TMÝG-niň Aşgabat şäher
Geňeşiniň esasy hünärmeni.
