Düýn Arkadag şäheriniň Jemgyýetçilik guramalarynyň binasynda Arkadagly Gahryman Serdarymyzyň döwet galamyndan syzylyp çykan ajaýyp eseriniň – «Ýaşlar – Watanyň daýanjy» atly çuňňur pelsepä ýugrulan kitabynyň ähmiýetini halk köpçüligine ýetirmek maksady bilen «tegelek stoluň» başyndaky söhbetdeşlik ýazgy edildi.
Arkadag şäheriniň Jemgyýetçilik guramalarynyň bilelikde guramaklarynda taýýarlanan söhbetdeşlikde Gahryman Arkadagymyzyň hem-de Döwlet Baştutanymyzyň parasatly ýolbaşçylygynda «Ýaşlar barada döwlet syýasaty hakynda» Türkmenistanyň Kanunynyň rejelenen görnüşinden gelip çykýan wezipeleriň «Türkmenistanda ýaşlar baradaky döwlet syýasatynyň 2021–2025-nji ýyllar üçin Döwlet maksatnamasy» hem-de bu maksatnamany amala aşyrmak boýunça ýerine ýetirilmeli çäreleriň meýilnamasy esasyndan durmuşa geçirilişi, şeýle hem kitapda beýan edilýän gymmatly öwütleriň ähmiýeti dogrusynda buýsançly gürrüňleri etdiler.
Umyda KAKAÝEWA,
Türkmenistanyň Magtymguly adyndaky Ýaşlar guramasynyň
Arkadag şäheriniň Geňeşiniň bölüm müdiri.
