Şu gün Arkadag şäheriniň jemgyýetçilik guramalarynyň binasynda Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, Türkmenistanyň Agrar partiýasynyň Arkadag şäheriniň komitetiniň, Türkmenistanyň Demokratik partiýasynyň Arkadag şäheriniň komitetiniň hem-de Türkmenistanyň Senagatçylar we telekeçiler partiýasynyň Arkadag şäheriniň komitetiniň bilelikde guramagynda «tegelek stoluň» başyndaky söhbetdeşlik taýýarlanyldy.
2024-nji ýylyň «Pähim-paýhas ummany Magtymguly Pyragy» ýyly diýlip atlandyrylmagy mynasybetli guralan bu çäre «Ynha, seniň bagtyýarlyk zamanaň – aýla nazaryňy seret Pyragym» diýlip atlandyryldy. Şahyryň döredijiligi, ömür ýoly we şu günki hormat-sarpasy dogrusynda beýan edilen çykyşlaryň her birinde döredijilige aýratyn sarpa goýýan, şahsyýetlerimiziň ruhuny galkyndyrýan Gahryman Arkadagymyza hem-de Arkadagly Gahryman Serdarymyza alkyş sözleri aýdyldy.
Umyda KAKAÝEWA,
Türkmenistanyň Magtymguly adyndaky Ýaşlar guramasynyň
Arkadag şäheriniň Geňeşiniň bölüm müdiri.
