Pähim-paýhas ummany Magtymguly Pyragy ýylynyň nurana günlerinde «Watan goragçylarynyň güni» mynasybetli Balkan welaýat häkimliginiň, Balkan welaýatynyň bedenterbiýe we sport baradaky Baş müdirliginiň, Balkan welaýatynyň saglygy goraýyş müdirliginiň, Türkmenistanyň Kärdeşler arkalaşyklarynyň Balkan welaýat birleşmesiniň, Türkmenistanyň Magtymguly adyndaky Ýaşlar guramasynyň Balkan welaýat Geňeşiniň, Türkmenistanyň Demokratik partiýasynyň Balkan welaýat komitetiniň, Balkan welaýatynyň «Balkan» gazetiniň, Balkan welaýat teleradio studiýasy bilen bilelikde tassyklanan düzgünnamasy esasynda, Balkan welaýatynyň harby we hukuk goraýjy edaralarynda zähmet çekýän işgärleriniň arasynda Balkan welaýatynyň bedenterbiýe we sport baradaky Baş müdirliginiň Jebel şäherçesiniň 3-nji sport mekdebinde sportuň woleýbol görnüşi boýunça Balkan welaýatynyň göçme kubogyny almak ugrundaky ýaryşy geçirildi. Onuň esasy maksadynda hormatly Prezidentimiziň ýurdumyzda sporty we bedenterbiýäni ösdürmek baradaky alyp barýan syýasatyny durmuşa ornaşdyrmak, sagdyn durmuşy wagyz etmek, şeýle-de harby we hukuk goraýjy edaralaryň işgärleriniň arasynda ruhubelentligi, päkligi berkitmek ýaly asylly işler göz öňünde tutuldy.
Çekeleşikli geçen ýaryşda I oruna Balkan welaýat Polisiýa müdirliginiň «Galkynyş» woleýbol topary, II oruna Balkan welaýat prokuraturasynyň woleýbol topary, III oruna Türkmenistanyň Milli howpsuzlyk ministrliginiň Balkan welaýaty boýunça müdirliginiň woleýbol topary ýeňiji bolmagy başardylar.
Emin agzalaryň gelen netijeleri boýunça ýaryşda üstünlikli çykyş edenlere Balkan welaýatynyň bedenterbiýe we sport baradaky Baş müdirliginiň Hormat hatlary we TMÝG-niň Balkan welaýat Geňeşiniň hem-de jemgyýetçilik guramalaryň ýadygärlik sowgatlary gowşuryldy.
Gültäç ALYHANOWA,
TMÝG-niň Balkan welaýat Geňeşiniň
umumy bölüminiň müdiri.
