Ýakynda «Pähim-paýhas ummany Magtymguly Pyragy» ýyly mynasybetli ýurdumyzda giňden bellenilýän Halkara zenanlar güni mynasybetli Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň we Aşgabat şäher Baş bilim müdirliginiň bilelikde tassyklan düzgünnamasy esasynda umumy bilim berýän orta mekdepleriniň 9 – 11-nji synplarynda bilim alýan okuwçy gyzlaryň gatnaşmagynda «Zeminiň zynaty türkmen gyzlary!» atly bäsleşiginiň Büzmeýin etrap tapgyry Aşgabat şäheriniň 129-njy orta mekdebiniň mejlisler jaýynda uly şatlyk-şowhun bilen ýokary derejede geçirildi. Bäsleşikde çykyş eden gyzlara emin agzalar tarapyndan baha berlip, olardan I orna Aşgabat şäheriniň 107-nji orta mekdebiniň 9-njy “B” synp okuwçysy Kadyrowa Ogulbagt, II orna Aşgabat şäheriniň 102-nji orta mekdebiniň 11-nji “G” synp okuwçysy Gurbanowa Ogulgerek, III orna Aşgabat şäheriniň 129-njy orta mekdebiniň 10-njy “Ç” synp okuwçysy Jumaýewa Mähriban dagylar mynasyp boldular we Aşgabat şäher tapgyryna gatnaşmaga hukuk gazandylar.
Mährijemal ATAÝEWA,
TMÝG-niň Aşgabat şäheriniň Büzmeýin etrap
Geňeşiniň Guramaçylyk bölüminiň müdiri.
