Ýakynda Milli bahar baýramy mynasybetli ýurdumyzyň umumybilim berýän mekdepleriniň 2 – 4-nji synplarynda okaýan okuwçy gyzlarynyň arasynda geçirilýän «Iň eýjejik gyzjagaz - 2024» atly şadyýan bäsleşigiň Çärjew etrap tapgyry geçirildi. Etrabyň 64-nji orta mekdebinde geçirilen bäsleşige bäsleşigiň mekdep tapgyrynda 1-nji we 2-nji orunlary eýelän 128 sany okuwçy gyzjagazlar gatnaşdylar. Bäsleşigiň üç sany şerti boýunça ýerine ýetirilen çykyşlar gyzjagazlaryň ýokary taýýarlyk derejesini aýan etdi. Bäsleşik örän çekeleşikli geçip, eminler toparynyň çykaran çözgüdi esasynda 1-nji orna etrabyň ýöriteleşdirilen 31-nji orta mekdebiniň 4-nji “A” synp okuwçysy Jahan Jumaýewa, 2-nji orna etrabyň 21-nji orta mekdebiniň 3-nji “B” synp okuwçysy Läle Şamuradowa dagylar mynasyp boldular. Şadyýan bäsleşigiň etrap tapgyryna işjeň gatnaşan we tapawutly çykyş eden gyzjagazlara Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşi tarapyndan Hormat hatlar we ýadygärlik sowgatlar dabaraly ýagdaýda gowşuryldy.
Erkin HEZRETOW,
TMÝG-niň Lebap welaýatynyň Çärjew etrap
Geňeşiniň Guramaçylyk bölüminiň müdiri.