Ýakynda TMÝG-niň Aşgabat şäheriniň Berkararlyk etrap Geňeşiniň guramagynda şol etrabyň çäginde ýerleşýän 132-nji orta mekdebiniň sport meýdançasynda 7 – 11-nji synp okuwçylarynyň gatnaşmaklarynda «Sagdyn nesil – bagtly nesil» ady bilen sportuň tennis, şaşka, küşt, estafeta, ýüp bökmek, top oýnamak, ylgaw, basketbol, woleýbol görnüşleri boýunça bäsleşik geçirildi. Çekeleşikli geçen ýaryşda okuwçylar özleriniň ukyp-başarnyklaryny, çalasynlyklaryny görkezdiler. Uly ruhubelentlige beslenen sport çäresinde ýeňiji bolan toparlara TMÝG-niň Aşgabat şäheriniň Berkararlyk etrap Geňeşiniň ýadygärlik sowgatlary gowşuryldy.
Rüstem HOJANEPESOW,
TMÝG-niň Aşgabat şäheriniň Berkararlyk
etrap Geňeşiniň uly buhgalteri.
