Ýakynda Türkmenistanyň Magtymguly adyndaky Ýaşlar guramasynyň Bereket etrap Geňeşi etrabyň bilim bölümi, Polisiýa bölümi, etrap Prokuraturasy bilen bilelikde etrabyň 21-nji orta mekdebiniň mugallymlarynyň gatnaşmagynda wagyz-nesihat duşuşygyny geçirdi. Çärede çykyş edenler türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkmenistanyň Halk Maslahatynyň Prezidiumynyň mejlisinde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça gaýragoýulmasyz wezipeler barada eden taryhy çykyşyndan ugur alyp, internet torunyň ösdürilmegi, peýdalanylmagy babatda işi düzgünleşdirýän Türkmenistanyň kadalaşdyryjy hukuk namalarynyň talaplaryny düşündirmek boýunça giňişleýin gürrüň berdiler.
Şeýle hem, çykyşlarda sanly ulgamyň mümkinçilikleriniň ylmy esasda öwrenilmegine hem mümkinçilikleriň döredilýänligi, interneti ýaşlaryň netijeli, dogry peýdalanmalydygy barada aýdylyp, berkarar döwletiň täze eýýamynyň Galkynyşy döwründe ýurdumyzda amala aşyrylýan bilim özgertmeleri dogrusynda aýratyn nygtaldy.
Duşuşygyň ahyrynda türkmen halkyny asuda asmanyň astynda, parahat zeminiň üstünde bagtyýar durmuşda ýaşadýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza hoşallyk sözleri aýdyldy.
Döwrandurdy ORAZDURDYÝEW,
TMÝG-niň Balkan welaýatynyň Bereket etrap Geňeşiniň başlygy.
